Gikompirmar sa Philippine Army nga magbaton na ang Pilipinas sa short range missile defense system sa dili madugay.
Kini agi’g dugang depensa sa nagka-grabeng isyu sa external security diin walay hupay ang pag-inilogay sa Pilipinas ug China sa West Philippine Sea islands.
Hinoon,wala ibutyag ni Philippine Army commanding general Lieutenant General Roy Galido kung kanus-a mahuptan sa Pilipinas ang maong kagamitan.
Hisayrang gikasuko sa China ang pagpasulod sa Pilipinas sa state-of-art Typhon missile system gikan sa Amerika.
