MANILA – Mosulod sa laing kasabutan ang Pilipinas ngadto sa China kabahin sa West Philippine Sea issue.
Kini sa tuyo nga kalikayan nga masubli ang gihimong flare objects dropping sa mga eroplano sa China sa Philippine Air Force planes nga mihimo’g aerial patrolling sa Bajo de Masinloc sa miaging semana.
Namahayag si National Security Council Asst Director General Atty Jonathan Malaya nga dilikado ang gihimo sa China rason nga misang-at sila’g laing diplomatic protest kabahin sa hitabo.
Una usab niini,namahayag sila Ph Navy spokesperson for the West Phiippine Sea Rear Admiral Roy Trinidad ug AFP spokesperson Col Francel Padilla nga walay epekto kanila ang laing taktika sa China.
Kini tungod kay ipadayon nila ang paghatag seguridad sa teritoryo sa nasud.
