CAGAYAN DE ORO CITY – Mohimo’g kontra-protesta ang pipila ka grupo nga dakong supak sa presensya sa US military bases nga naglakip sa katukuran sa Enhanced Defense Cooperation Agreement o EDCA sa Lumbia Airbase ning syudad karong semanaha.
Kini ang aron ipaabot ang hiniusang mensahe nga wala sila mo-uyon sa pagpalig-on sa puwersang Amerikano sa pipila ka bahin sa Pilipinas nga nagbutang sa dakong peligro sa katawhang Pilipinhon.
Namahayag si Herman Laurel,presidente sa Asian Century Philippines Strategic Studies Institute nga nag-ungaw sa dakong gubat ang Pilipinas kon patughan ang pagpasulod sa mga kagamitang panggubat sa Amerika nga gitumong sa mga kontra niini sa Asya.
Partikular gitumbok ni Laurel ang gikahadlukan sa Estados Unidos ang China nga naghupot sa lig-on nang puwersa sa Asya hinungdang tuyo bulabugon ang isyu sa West Philipppine Sea diin daghang nasud-Asyano ang nag-claim usab niini.
