CAGAYAN DE ORO CITY – Pagkatangtang sa trabaho kon mapamatud-an ang dangatan sa mga pulis kon masapon nga dili mosunod sa ‘NO CELLPHONE DURING DUTY’ policy ni PNP chief Gen Rommel Marbil.
Kini ang panganti sa Police Regional Office 10 alayon sa bag-ong palisya sa bag-ong liderato sa national headquarters.
Miingon si PRO 10 spokesperson Police Maj Joann Navarro nga istrikto nila nga ipatuman ang mando sa Camp Crame sa pagsiguro nga mas mahimo sa lower units ang ilang trabaho pagmintinar sa kahusay’g kalinaw.
Gipasabot ni Navarro nga partikular nga gilimitahan paggamit sa cellphone ang mga pulis kon sila mohimo’g patrolling ug visibility aron mas mapanid-an ang palibot kontra kreminalidad.
