CAGAYAN DE ORO CITY – Gitakdang moduso’g damage assessment report ang tulo ka team kang City Mayor Klarex Uy nga natahasan sa Office of the Building Official/OBO alayon sa miigo nga intensity 4 nga kakusog sa pagtay-og sa syudad epekto sa 7.4 magnitude nga linog didto sa Davao Oriental.
Kini human natugaw ang katawhan sa dakbayan gumikan sa taud-taod nga pagka-uyog sa kayutaan rason nga gilayong gipasuspenso sa mayor ang mga klase sa pribado ug publikong mga tunghaan kagahapon sa buntag.
Gibutyag ni acting City Information Officer Jade Adecer nga inisyal nga walay natala nga damyos ang mismong city hall buildings hinungdang gipabalik ra’g pasulod ang mga trabahante nga unang gipahikling padulong sa Gaston park.
Una usab niini,daghan sa mga buhatan sa gobierno ug mga establisemiento ang napugos pagbiya sa ilang mga trabaho nunot sa pagsiguro nga luwas ang ilang pamilya sa kakusog sa linog nga gisundan pa’g 6.9 magnitude aftershocks kagabii.
