CAGAYAN DE ORO CITY-Gipahimangnuan ni PNP -10 spokesperson Supt Lemuel Gonda ang mga chief of police sa matag police station nga i-monitor ang ilang Tokhangers.
Si Gonda miingon nga otomatikong ma-relib sa pwesto ang hepe kun ugaling adunay kahiwian nga gihimo ang mga pulis.
Samtang, ma-relib usab sa pwesto ang mga police directors kun ugaling duha sa station commanders ubos sa iyang area of responsibility ang ma-relib sa pwesto tungod sa pagpangabuso sa pagpatuman sa Tokhang.
Samtang subling gitin-aw ni Gonda nga dili demosyon kundi career promotion ang pag-relib sa pipila ka station commanders sa Cagayan de Oro City Police Office o COCPO.
Matud ni Gonda nga dili angayang kabalak-an ang pagka-relib sa pipila ka mga opisyal tungod kay mas gihatagan sila’g trabaho nga haom sa ilang abilidad.
Una niini, daghan ang nakurat sa kalit nga pag-relieve sa mga cheif of police sa pipila ka police station ilabina nga maayo ang ilang performance.
