CAGAYAN DE ORO CITY – Gipugngan una ni PNP chief Gen Rommel Marbil ang pagpatuman sa anti-tattoo policy sa mga aktibong organic member sa ilang hanay ug lakip na sa non-uniform personnel o NUP.
Kini bisan kon milapas na ang 15 diyas nga deadline o tagal alang sa pagpatuman sa pagpanas sa mga patik nga makit-an sa lawas sa pipila ka mga pulis.
Namahayag si Police Regional Office 10 spokesperson Police Maj Joann Navarro nga dunay gidugang nga gabayan ang Camp Crame aron mas epektibo ang implementasyon niini.
Una nang miani sa nagkadaiyang reaksyon ang PNP memo circular nga unang giporma ni retired Chief Police Gen Benjamin Acorda Jr alang sa mga pulis sa nasud.
Hisayrang anaa sa sobra 10-mil ka pulis ang gikuptan sa PRO 10 dinhi sa rehiyon.
