CAGAYAN DE ORO CITY, Philippines – Pakusgon sa Philippine National Police (PNP) ang kampanya sa Barangay Anti-Drug Abuse Councils (BADACs).
Gibutyag ni PNP chief Gen. Rommel Francisco Marbil nga anaa sa labing ha-um nga posisyon ang mga opisyal sa barangay sa pagmonitor sa lihok sa druga nga gikalambigitan sa ilang mga molopyo.
Gisaad ni Marbil nga mabungkag ang mga dagkung operasyon sa pagpayuhot sa ilegal nga drug pinaagi sa pag-presyur sa mga drug suppliers ug drug syndicates pinaagi sa ilusad nga intensified law enforcement operations.
Namugos ang hepe sa PNP nga magsilbing frontline force sa ilang kampanya batok ilegal nga druga ang mga gipa-aktibo nga BADAC sa tibook Pilipinas.
