CAGAYAN DE ORO CITY-Dad-on sa pamilya ang patay’ng lawas sa nagpatoong customs police officer nga unang napusilan sa Baksuhan,Brgy Macasandig ning syudad sa miaging semana.
Kini human nahidangat na ang kapikas ug kabanay sa biktima nga si Roy Ancajas nga lumad taga probinsya sa Cebu.
Gibutyag ni Sr/Insp Abdul Alim Sumandar,hepe sa Macasandig Police Station nga mismo ang kapikas nga si Marife Ancajas ang wala masayod sa binuhatan sa iyang bana dinhi sa syudad.
Gani,nagka-problema pa kini pagdala sa patay’ng lawas sa biktima pauli Cebu kay sobra ka kabus ug giingong may 15 ka anak.
Ning adlawa usab,kasuhan sa murder si customs broker Jo-ed Pasasadaba ug Seigfred Roxas nga mga suspek sa pagpatay kang Ancajas.
