CAGAYAN DE ORO CITY – Gitawag nga ‘fake news’ ni kanhi Phividec administrator Jose Gabriel ‘Pompee’ La Viña ang pinakaulahi nga mikaylap nga impormasyon nga nag-sentro sa giingong pipila ka kalihukan sa kasamtangang administrasyon sa dakbayan.
Kini human gi-quote si La Viña nga nagsulti ingon man nagbulgar sa giingong pipila ka barangay kapitanes nga daw nagduol kaniya kay dismayado sa walay kahumanan nga mga proyekto.
Nasaysay usab daw nga maong dili kagahuman nga mga proyekto ang binuhatan sa pipila sa ka aktibo ug kanhi city officials nga ubos sa linya sa city hall.
‘Fake news na.Bahin sa away sa mga kanhi kaabag,mga karaang politiko, wala ko’y plano mosawsaw.Mura’g nagbinistohay na sila’, sulti ni Pompee. Subli kining mitataw nga anaa siya alang sa mga Kagayanon nga nangandoy sa Bag-ong Cagayan ug dili manghilabot kung unsa man ang mga kalihukan sa ubang mga grupo.
Tinguha ra gyud daw niini nga isip lumad Kagayanon, angayang mahatagan sa trabaho ang kadaghanan,walay makabaligya sa illegal nga droga ngadot sa kabatan-unan ug daghan pang mga programa kon katugtan sa kahigayunan.
Dugang niini nga angayang maigmaton ang publiko kontra tanang porma sa dis-impormasyon aron dili mailad sa mga tawong nagpakaylap sanglit misugod na’g init ang politika sa dakbayan.
Si Pompee ang subli makig-engkuwentro pagka-mayor kang re-electionist City Mayor Rolando ‘Klarex’ Uy sa May 12 elections.
