Nagbaton na sa gamay’ng kalambuan ang laboratory tests rason nga subli nang napadayon ni Pope Francis ang pipila sa iyang trabaho nga naglakip sa dako niyang pagpakabana sa kahimtang sa Gaza, Palestine.
Kini subay sa impormasyon nga nakuha sa foreign press nga nakatutok usab sa kahimtang sa panglawas sa santo papa sukad nga nasulod sa ospital sugod Pebrero 14 ning tuiga.
Nasaysay usab sa impormasyon nga natawgan na sa santo papa ang pari sa usa ka Katolikong simbahan sa Gaza aron ipaabot ang iyang kahingawa sa kahimtang sa katawhan sa Palestina.
Dumduman nga sobra ang gibating kabalaka sa binilyong sakop sa simbahang Katolika tungod sa pagka-sulod sa ospital ni Pope Francis gumikan sa gihambin nga DOUBLE PNEUMONIA ug CHRONIC BRONCHITIS.
