Nasubo ang tibuok Kristohanong katilingban sa kalibutan epekto sa kamatayon ni Pope Francis sa edad 88 sulod sa iyang puy-anan sa Casa Santa Marta sa Vatican City,Roma,Italya kaganihang buntag.
Si Papa Kiko gipanganak sa tinu-od nga pagkatawo nga si Jorge Mario Bergoglio sa Buenos Aires, Argentina niadtong Disyembre 17,1936. Siya anak sa magtiayong imigranteng Italyano.
Sa wala pa mosulod sa seminaryo aron magpari si Pope Francis, nagtungha una kini sa pagsibing chemical technician ug nagtrabaho sa industriya sa pagkaon.
Sa edad 21, naghupot kini sa grabeng sakit nga pnuemonia nga nag-resulta sa pagtangtang sa iyang to-o nga baga.
Sa tuig 1958, miuban kini sa Jesuit novitiate ug nagtungha sa kursong Humanities sa Santiago,Chile.
Nahimo kining pari niadtong Disyembre 13,1969 ug pag-abot sa 1973, gihimo niya ang iyang perpetual vows sa Society of Jesus (SJ).
Nagsilbi usab siya nga Jesuit provincial sa Argentina sa tuig 1973 hangtod 1979.Pag-abot sa tuig 1998, natahasan nga mahimong arsobispo sa Buenos Aires diin siya ilado sa pagsilbing simple sa kinabuhi,nagpuyo sa gamay nga apartment ug tigsakayan lang sa publikong mga sakyanan.
Giila kini nga cardinal sa tuig 2001 ubos sa pagdumala ni Pope John II.
Pag-abot sa Marso 13, 2013,napili nga Santo Papa si Francisco nga nagsilbing pinakaunang Jesuit Pope sa kasaysayan.
Pinakauna usab sa Latin America ug unang dili Orupano nga Santo Papa sulod sa sobra libo ka tuig ang nakalabay.
Ang iyang liderato nakatutok sa mga isyu nga naglakip sa mausabon nga klima sa kalibutan,patas nga pagkupot sa katiguyanan ug pagtabang sa ‘margnizalized sector’ sa katilingban.
Dumduman nga ulahing nasulod sa ospital si Pope Francis sugod Pebrero 14 ug bag-uhay lang nakagawas diin siya gikuhaan una sa bug-at nga mga trabaho sulod sa Vaticano aron paspas unta makabalik sa kahimsog sa panglawas.
Si Pope Francis ang kadungan ni kanhi Manila Cardinal Luis Antonio Tagle sa pagpili sa bag-ong santo papa sa tuig 2013 dihang mi-kanaug sa katungdanan si late Pope Benedict XVI.
