Gisugat sa dul-an 35,000 ka ihap sa Katoliko si Santo Papa Francisco sa Port Moresby,Papua New Guinea.
Setyembre 7,unang gibisita sa Santo Papa ang capital city sa nasud ug miselebrar sa santos nga misa.
Gilayong mipadulong si Papa Francisco kagahapong adlawa sa Vanimo diin gihugon-hugon nga baluwarte sa mga mambabarang, balbal ug gibansagang ‘cannibals’ o mga nilalang nga gakaon sa unod sa tawo.
Gipalanog sa Santo Papa ang iyang simpatiya sa ihap sa grupo sa kababaihan nga biktima sa diskriminasyon ug sayop nga mga akusasyon.
Sa iyang homiliya sa Santos nga Misa, iyang gi-awhag ang mga indigenous tribes o mga lumad nga mudool sa simbahan aron mas malamdagan sa grasya ni Hesu Kristo.
Human sa misa, gihalaran sa tribal dance si Pope Francis, ug walay kahadlok nga mikupot sa mga kamot sa mga residente sa Vanimo.
Taliwala nga dunay kalisdanan sa paglakaw, makita ang santo papa nga giguyod sa wheel chair dihang gihimamat ang tawong anaa sa labing kabus nga lugar sa maong nasud.
Si Governor General Sir Bob Bofeng Dadae mi-ingon nga dakung kadungganan alang sa 2.5 milyon ka kristiyano ang pagbisita sa Santo Papa.
Kini ilabina nga nabulit usab ang ilang nasud sa daghang mga misyonaryo nga maoy hinungdan sa pag-uswag sa kaalam sa ilang mga residente sukad 1882 pinaagi sa Missionaries of the Sacred Heart.
Kini pa ang unang pagbisita sa Santo Papa sa PNG, human ang ulahing pagbisita ni St Paul II niadtong 1995.
Unya sa udto, mubiya na ang Santo Papa aron mu-aginod sa nasud sa Timor Leste, ang ikatolong nasud, ubos sa iyang 12 ka adlaw nga diplomatic visits sa Asya. (Bombo Anne Quileste).
