CAGAYAN DE ORO CITY – Gipanguluhan ni Papa Francisco ang espesyal nga santos nga misa sulod sa St Peter’s Basilica alang sa pagsaulog sa ika-500 ka tuig nga anibersaryo sa pagsilbing kristiyano sa Pilipinas didto sa Vatican City sa Roma,Italya.
Kini agi’g pag-ila sa dakong pagpasalamat sa Roma nga gipalambo pa’g maayo sa mga Katolikong Pilipinhon ang Kristiyanismo nga unang gidala ni Portugese Ferdinand Magellan sa unang mga kaliwatan sa Pilipinas kaniadto.
Miingon si Rev Ricky Gente,chaplain sa Sentro Pilipino Chaplaincy sa Roma nga kuyog ni Pope Francis sa ‘high mass celebration’ang laing napulo ka pari nga naglakip kaniya ug ni Cardinal Luis Tagle kinsa Prefect of the Congregation for the Evangelization of Peoples usab sa simbahang Katolika sa tibuok kalibutan.
Samtang dawaton ni Pope Francis ang ‘obra maestra’ o painting nga mugna sa Cagay-anong pintor isip regalo tungod sa paghatag importansya pinaagi sa misa-pasalamat mismo sulod sa St Peter’s Basilica sa Vatican City ning adlawa.
Miingon si Gente nga makita sa maong painting si Ferdinand Magellan nga mihatag sa imahen sa batang Sto Nino ngadto sa reyna sa unang tribu nga nanimuyo kaniadot sa Sugbo.
Namahayag si Gente nga dako ang ilang pagpasalamat nga naggikan na sa Mindanao ang regalo nga alang sa santo papa kinsa nakaanhi na usab dinhi sa nasud sa miaging katuigan.
