Mas misamot ang kabalaka ni Pope Leo XIV sa nag-grabe nga kagubot sa managlahing bahin sa kalibutan.
Sa gilusad ga Angelus Prayers sa Santo Papa sa St Peters Square, iyang gitawag ang panghitabo isip “pandemic of arms” nga nagdala sa kasakit ug pag-antos sa daghang kabataan.
Siya mi-ampo alang sa mga bata nga gipamusil sa usa ka tunghaan sa Minneapolis, Amerika ug sa mga migrante nga namatay sa baybayon sa Mauritania.
Iya usab gipanawagan ang mga world leaders nga aksiyonan na ang nagka-grabe nga binayluay sa raketa sa Russia ug Ukraine.
Gipalanog sa Santo Papa ang kamahinungdanon sa “encounter” nga nagkinahanglan sa bukas nga kasingkasing ug pagkamapa-inubsanon.
Busa iyang gi-awhag ang tanan nga pasudlon si Hesu Kristo sa atong kinabuhi aron makita nila ang tinood nga kagawasan, kalinaw ug pagpakilid sa garbo.
