Nagpabiling walay dakong kausaban ang presyo sa bugas sa merkado, sumala ni Franklin Dagcuta, presidente sa Cogon United Market Vendors Association.
Sa interbyu sa Bombo Radyo, giingon ni Dagcuta nga wala mosaka ang presyo sa bugas kumpara sa miaging mga semana, busa kontrolado gihapon ang kalihokan sa baligya sa merkado sa syudad.
Dugang pa niya, adunay nadungog nga plano sa pagpagawas sa bugas nga adunay giya nga presyo nga dili molapas sa ₱50 matag kilo, ilabi na sa imported nga suplay nga gilauman nga mosulod sa unang semana sa Mayo.
Sa pagkakaron, ang pinakataas nga presyo sa bugas anaa sa ₱60 matag kilo, samtang ang ubang klase magdepende gihapon sa kalidad ug sa kadaghanon sa suplay nga mosulod sa merkado.
