Gitutukan sa Police Regional Office -10 ang posibleng pagmanipular sa pipila ka negosyante sa presyo sa lana sa Northern Mindanao.
Miingon si PRO-10 Regional Director Police Brigadier General Christopher Abrahano, andam ang kapulisan motabang sa Department of Energy sa inspeksyon ug pag-imbestigar sa bisan unsang reklamo, bisan pa nga sa pagkakaron wala pay nadawat nga kaso sa rehiyon.
Gawas sa price manipulation, gibantayan usab sa kapulisan ang pagpanago “hoarding” sa mga lana sa pipila ka fuel station ug ayha ra ipagawas kung magmahal na’g samot ang presyo niini.
Hisayran nga anaa na sa 28 ka fuel station sa rehiyon ang nagsira ug gilauman pa kining musaka kung magpadayon ka mahal ang pag-import sa lana sa Gulf region. (co-written by James Oliver)
