CAGAYAN DE ORO CITY – Gipadumduman ug giaghat sa Police Regional Office 10 ang sektor sa mga negosyante nga dili magpasagad sa ilang mga negosyo samtang naka-pokus ang kadaghanan sa pag-obserbar sa semana santa ug nangandam pagsugat sa Domingo sa pagkabanhaw.
Gihimo ni PRO 10 spokesperson Police Maj .Joann Navarro kay dili nila gusto nga maigo sa laing higayon ang rehiyon sa dinagko nga pagpanglungkab sama sa nahitabo sa Gaisano Mall Ozamiz City niadtong December holidays.
Siya miingon nga gipatawag sa Camp Alagar ang ilang lower units aron ihatag ang gabayan kapanalipdan ang mga negosyo sa ilang hurisdiksyon tungod sa pila ka adlaw nga walay trabaho epekto sa holidays ning tuiga.
Hisayrang pabiling pakyas ang kapolisan pagbawi sa minilyong mga alahas nga nalugwa sa duha ka pawnshops bisan kon nadakpan na ang giingong mga suspek nga taga-Misamis Occidental.
