CAGAYAN DE ORO CITY – Gipasidunggan sa Police Regional Office 10 pinaagi sa paghatag mga medalya ang lima gikan sa 426 ka pulis nga naglangkob sa Civil Disturbance Management-Northern Mindanao contigent nga gipada sa Davao City.
Kini human unang gilusob sa libuang mga pulis ang compound ni Pastor Apollo Quiboloy sa Davao City sa miaging Agosto ning tuiga.
Kabahin sa gihataga’g Medalya ng Kagalingan ni PRO -10 Director Brig Gen Ricardo Layug Jr sila Police Chief Master Sargeants Alpazino Dampal; Gregorio Dalucanog Jr ug Police Master Sgt Fermin Delfin Jr.
Samtang Medalya ng Sugatang Magiting usab ang nadawat nila ni Police Corporal Zoren Quimno ug Patrolman Clark Itum atol sa flag raising ceremony sa Camp Alagar kagahapon sa buntag.
Hisayrang kontrobersyal ang paglusob sa gobyerno pinaagi sa Police Regional Office 11 diin mitabang ang ubang mga rehiyon nga naglakip sa Northern Mindanao contingent sa Kingdom of Jesus Christ Church kay mibabag ang mga suporter ni Quiboloy kay siya dakpon.
