Masaligon ang pro-Trump supporters nga mahatagan sa katumanan ang mga saad ni US President elect Donald Trump nga nag-sentro sa interes sa ikalig-on sa kahimtang sa Amerika.
Kini human si Trump ang unang nakakuha sa minimum nga 270 electoral votes batok kang incumbent US Vice Pres Kamala Harris sa ilang panagtigi pagka-presidente sa Estados Unidos kagahapong adlawa.
Miingon si Nikko Duterte,Texas-based Bombo Int’l News Correspondent nga particular gilauman sa ilang katawhan ang pro-US government programs nga ipatuman ni Trump sa pagsugod niini sa trabaho sa Enero 2025.
Kini gilakipan sa US-Mexico border control aron likayan masudlan sa dugang mga langyaw nga alang kang Trump nagdala’g dakong bahad sa seguridad.
Gusto usab daw nila nga mopatiwala si Trump aron masulbad na ang giyera sa Rusya ug Ukraine nga sobra duha ka tuig na.
Apan masaligon usab ang katawhan sa Amerika nga magsilbing humok si Trump pag-abot sa isyu sa imigrisyon.
Hisayrang si Trump nag-atubang na sa nagkadaiyang kaso apan katingad-an nga mas gipili gihapon sa mga botante kaysa kandidatura ni Harris.
