CAGAYAN DE ORO CITY, Philippines – Lakagon sa Philippine Stock Exchange o PSE ang mga sindikato nga nagpaluyo sa gipakatag nga cryptocurrency investment scheme gamit ang ilang logo.
Base sa report nga nahuptan sa PSE, gigamit sa grupo ang logo sa ahensya aron ipamatuod nga lehitomo ug suportado sa gobyerno sa Pilipinas ang ilang investment.
Gitin-aw sa PSE nga walay gisudlang kontrata ang ilang ahensya kalabot sa grupo nga milusad sa “online advertisement” sa pagbubo pundo gamit virtual money.
Modus sa grupo ang pagdani sa ilang mga kliyente nga daku ang return of investment (ROI) ug sayon ra ang pagdeposito gamit ang e-wallets.
Sunod semana posibleng magpakitabang ang PSE sa Department Of Information And Communications Technology aron ma-trace, masanta ug mapasakaag kaso ang mga sindikato nga migamit sa ilang logo.
