CAGAYAN DE ORO CITY – Andam na ang laing hugna sa dakong katiguman sa mga negosyante nga naggikan sa nagkadaiyang bahin sa nasud ug representasyon sa foreign investors nga himoon dinhi sa syudad sunod semana.
Kini mao ang pagpaghigayon sa unang higayon dinhi sa syudad sa ika-31 ka tuig nga Philippine Travel Agencies Association Expo sa Atrium,Limketkai Mall sulod sa tulo ka adlaw.
Miingon si PTAA and International Travel Trade Expo co-chairman Tito Mora nga kurambos kini nga lakang sa Visayas-Mindanao group aron malusad dinhi sa syudad.
Siya miingon nga dungan usab niini ang ika-9 ka tugi nga International Travel Expo VisMin Edition nga himoon sa susama nga venue.
Dugang ni Mora nga ang maong tulo ka kalihukan nga sugdan Hulyo 19 hangtod 21 ang tambungan sa 50 ka exhibitors nga gilakipan gikan sa airlines, hotels, resorts ug tourism boards diin mopahimutang sa ilang display booths sa Atrium.
