CAGAYAN DE ORO CITY – Kasuhan sa laing higayon sa pagsupak sa Dangerous Drugs Act of 2002 ang aktibong pulis nga nadakpan sa PDEA-Misamis Oriental Provincial Team sulod sa iyany balay sa Upper Barangay Lumbia sa syudad karong adlawa.
Kini ang gisulti ni PDEA 10 regional director Atty. Benjamin Gaspi nunot sa paghatag dugang kasayuran sa pagkadakpi ni Police Staff Sgt Santiago Lumangcas,legal ang edad ug kasamtangang na-destino isip assistant investigator sa Initao Police Municipal Station sa Misamis Oriental.
Namahayag si Gaspi nga maoy basehan sa ilang pagduso’g kaso kontra aktibong pulis ang 110 gramos nga gitoohang shabu nga dunay kantidad sobra 700-mil pesos nga nakuha atol sa operasyon kagahapon sa buntag.
Dugang sa opisyal nga gipasusi pa nila sa Police Regional Office 10 kon dunay mga lehitimong dokumento ang mga armas nga apil sa gi-imbentaryo sa raiding team sa PDEA.
Hisayrang kanhi na dinakpan sa PDEA 10 ang suspek sa tuig 2013 sa ilang balay sa Barangay Macasandig apan napagawas sa korte kay naapil pagka-damyos ang mga ebedensiya sa pagkasunog sa Hall of Justice sa syudad niadtong Enero 2015.
