CAGAYAN DE ORO CITY – Naka-floating status si Police Capt Ramses Cartagena ug gipa-report sa regional holding office sa Camp Alagar ning syudad.
Kini human gitumbok ni Marawi City Police Office deputy commander Capt Santos Monares nga kang Cartagena niini napalit ang kinawat nga Ford Everest vehicle nga nadakpan usab sa PNP-Highway Patrol Group sa niadtong Setyembre ning tuiga.
Miingon si PRO-10 spokesperson Lt Col Mardi Hortillosa nga gikuhaan una’g trabaho si Cartagena isip deputy police station commander sa Bukidnon PNP aron dili maapektuhan ang iyang performance.
Namahayag si Hortillosa nga hulaton nila nga dunay mokaso ayha usab sila mohatag sa tukmang aksyon batok kang Cartagena.
