Mikunhod ang purchasing power sa piso, sumala ni Apply Sweet Cempron-Libre, Statistical Specialist II, base sa pinakabag-ong datos sa PSA.
Namahayag si Cempron-Libre sa Bombo Radyo nga ang usa ka piso nga adunay kantidad nga 100 sentimos niadtong 2018 karon adunay kapalit nga 75 sentimos na lamang, timailhan sa pagkunhod sa kusog sa salapi sa pagpamalit.
Giingon niya nga ang consumer price index misaka sa 134.8, nga nagpasabot nga ang grocery nga mapalit sa ₱100 niadtong 2018 karon nagkinahanglan na og mas dako nga kantidad aron mapalit ang samang mga palaliton.
Dugang pa niya, ang taas nga inflation adunay domino effect sa kita sa panimalay ug sa gasto sa mga batakang panginahanglan.Busa, gipasabot ni Cempron-Libre nga mas nabug-atan karon ang katawhan sa adlaw-adlaw nga pagpamalit tungod sa pagkunhod sa bili sa piso.
