CAGAYAN DE ORO CITY – Suspendido sulod sa tulo ka bulan o 90 diyas sa iyang trabaho si kanhi Phividec administrator ug former Iligan City Mayor Atty. Franklin Quijano isip chairman sa National Commission of Senior Citizens o NCSC nga nakabase sa kauluhan.
Kini samtang ipaubos sa Office of the President sa imbestigasyon si Quijano batok sa pasangil nga ‘dishonesty,oppression or grave misconduct or neglect in the performance of duty’ nga unang gipasaka sa usa ka Jose Francisco Tapia.
Namahayag ang si Pres. Bongbong Marcos pinaagi ni Executive Secretary Atty. Lucas Bersamin nga aron masuta kon dunay igong basehan ang mga pasangil,rason nga gisuspenso una sa trabaho si Quijano sulod sa tulo ka bulan aron kalikayan ang impluwensiya sa imbestigasyon.
Sa pagkutlo ning balita,wala pa’y gilugwa nga direktang pahayag si Quijano apan gilayong nagpalanog sa pagkadismaya ang mga kabanay niini sa gihimong lakang sa administrasyon.
Namahayag ang pipila sa iyang kabanay nga kon kanus-a gibuhis sa Quijano ang iyang kinabuhi ug panahon sa pagpanalipod sa katungod sa pinihig nga senior citizens,maipit na hinoon ug pahamtangan sa suspension.
Hisayrang si Quijano ang tinudlo ni kanhi President Rodrigo Duterte sa pagka-administrator sa Phividec dinhi sa Mindanao ayha nabalhin sa NCSC office sa kauluhan.
