CAGAYAN DE ORO CITY – Nagsilbing sumpay sa nasakmit nga kagawasan alang sa demokrasya ang pabiling presensiya sa mga beterano nga kabahin sa nakig-away batok sa Japanese Imperial Army o JIA dihang apil ang Pilipinas nga gi-ulipon sa Japan sa ikaduhang kalibutan sa tuig 1945.
Kini ang hinungdan nga gipahinungdan sa simple apan bililhong kalihukan ni City Mayor Rolando ‘Klarex’ Uy ang pag-ila sa dakong kontribusyon sa mga beterano sa ika-83 ka tuig nga Araw ng Kagitingan kagahapong adlawa.
Miingon si City Administrator Atty. Hilario Raagas nga dili angay kalimtan apan kanunay’ng dakong buhi sa mga kasingkasing sa kasamtangang henerasyon ang pagsakripisyo sa mga beterano.
Kini tungod kay nga naglakip niini ang pipila ka pamilyang Cagay-anons ug Misamisnons nga mihalad sa ilang mga kaugalingon sa pakigbatok sa puwersang Hapones sobra 80 ka tuig na ang milabay sa Cagayan de Misamis.
