CAGAYAN DE ORO CITY – Giimbestigaran na sa kapolisan ang pagmaoy sa duha ka sundalo sulod sa usa ka imnanan sa Purok 3, Brgy Poblacion, Damulog,Bukidnon.
Giila ang mga suspek nga sila si PFC Ram Kevin Reynalda, 23-anyos, ulitawo,residente sa Purok 1,miembro sa 89 IB, Philippine Army nga nakabase sa Davao del Norte ug PFC Romeluo Canobas, 24-anyos, ulitawo,miembro sa 66 IB sa Compostela Valley Province nga pulos taga-Damulog,Bukidnon.
Miingon si Damulog Police Station commander Capt Mascardo Cuevas nga nag-inom sulod sa karenderia ang duha ka suspek dihang ilang nakalalis ang habal habal driver nga si Rogelio Coles, 28-anyos, minyo, residente sa Purok 2 Kitingting, Damulog.
Gibaharan ni Reynalda ang biktima ug gihinadlok sa dala niini nga armas.Mag-atubang sa kasong grave threats ug kasupakan sa RA 10591 o illegal possession of firearms ang duha ka sundalo.
