CAGAYAN DE ORO CITY – Naglaum si Police Regional Office o PRO-10 spokesperson Lt Col Mardi Hortillosa nga madugangan pa ang ihap sa mga naka-benepisyo sa Good Conduct Time Allowance o GCTA Law nga boluntaryong motahan ubos sa Northern Mindanao.
Kini human misaka na sa 16 ang ihap sa GCTA beneficiaries nga mitahan sa nagkadaiyang police station sa tibook rehiyon.
Sa maong ihap, 10 niini ang naggikan sa Bukidnon; 1 sa Camiguin; 3 sa Lanao del Norte ug 1 sa Iligan City.
Maoy ilang giatubang nga kaso ang pagpatay, pagpanglugos, rape with robbery, robbery with homicide and rape ug arson.
Apan, gitin-aw ni Hortillosa nga duha sa mga beneficiaries ang napadala na sa Davao Penal Colony ug naay 3 sa mga nakonbikto ang wala mag-atubang sa heinous crimes.
