CAGAYAN DE ORO CITY – Giangkon sa kanhi miembro sa CPP-NPA nga si “Ka Lalaine” nga adunay mga pagpanglugos nga nahitabo sa pipila nila ka mga kaubang babaye sulod sa organisasyon.
Kini tungod kay galisod pagdawat ang pipila ka lalaki nga NPA members nga balibaran ang ilang gugma sa nagustuhan nila nga mga amasona.
Miingon si Ka Lalaine kinsa 15 ka tuig nga naglihok sa CPP-NPA,hugot gihapon ang ‘love rivalry’ sulod sa organisasyon hinungdan nga adunay mga kaso sa pagpanglugos.
Gihimo ni Ka Lalaine ang pagbulgar dungan sa ilang pag-atubang sa media aron itug-an ang mga binuhatan sa mga progresibong pundok nga mohimo’g pagpanghaylo sa mga kabataan.
