CAGAYAN DE ORO CITY – Gipaubos sa beripikasyon sa Cagayan de Oro City Police Office o COCPO ang expose sa duha ka kanhi amasona o babayeng miembro sa rebeldeng New People’s Army o NPA nga gitahasan sa recruitment sa Communist Party of the Philippines o CPP sa mga tinun-an sa lain-laing unibersidad ug colleges ning syudad.
Si City Police Dir. Police Colonel Henry Dampal miingon nga iya nang gitahasan ang intelligence unit nga monitoron ang aktibidadis sa mga estudyante sa mga tunghaan nga ginganlan nila ni kanhi CPP-NPA political officer Ka Lalaine ug Ka Dina.
Silang duha ang gitahasan sa recruitment diin kabahin sa ilang nasudlan ang Xavier University,USTP,MSU-IIT,Bukidnon State University ug Pilgrim Christian College.
