CAGAYAN DE ORO CITY – Gikasubo sa pipila ka mga huwes ang desisyon sa Korte Suprema nga tanggalon sa puwesto si Regional Trial Court (RTC) Branch 20 Presiding Judge Bonifacio Macabaya.
Kini tungod sa iyang pagpanghulam ug kuwarta sa iyang litigants nga dakong kasupakan sa paragraph 7,Section 8,Rule 140 ng Rules of Court ug New Code of Judicial Conduct.
Sumala pa ni RTC Branch 25 Presiding Judge Arthur Abudiente nga nakurat siya sa hukom sa Korte Suprema ilabina nga naila niya nga bootan ug pokus sa iyang trabaho si Macabaya.
Kahinumduman nga base sa gipaggawas nga en banc decision sa Korte Suprema, gidapigan niini ang reklamo nila Leonaria Neri, magtiayong Abeto Jr ug Jocelyn Salcedo,Evangeline Camposano ug Hugo Amorillo Jr nga nag-akusa nga gihulaman sa salapi ni Macabaya sa gawas sa iyang courtroom.
Samtang, nagtoo ang pamilyang Macabaya nga pagpangdaut lamang kanila ang reklamo nga gihulaman ug kuwarta ni Regional Trial Court (RTC) Branch 20 Presiding Judge Bonifacio Macabaya ang iyang mga complainant hinungdan nga nalangkat siya sa puwesto.
Sa pakighinabi sa Bombo Radyo, gibutyag sa kapikas sa huwes nga si
Noime Macabaya nga mobiyahe sila padulong kaulohan aron moduso’g motion for reconsideration sa gipaggawas nga desisyon sa korte suprema.
Masaligon si Ginang Macabaya nga ma-protehiran sa iyang kapikas ang issue nga giatubang niini.
Una nang gibutyag sa ginang nga wala sila magdahom nga sulod sa 10 katuig nga nagserbisyo isip huwes ang iyang kapikas, mabiktima kini sa tinunto sa iyang mga kliyente.
