CAGAYAN DE ORO CITY – Dakpon sa PNP-10 ug NBI-10 sa oras nga makahupot na’g kopya sa warrant of arrest batok kanhi Misamis Oriental Board Member President Elipe ug igsoon niini nga si Pristine Quizon.
Kini ang gipasalig ni Police Regional Office 10 spokesperson Lt Col Mardi Hortillosa nunot sa mando ni Sandiganbayan-4th Division chairman Associate Justice Alex Quiroz nga dakpon ang magsoon tungod sa kasong paglapas sa Anti-Graft and Corrupt Practices Act ug falsification sa Revised Penal Code.
Miingon si Hortillosa nga sundon lamang nila ang mando sa korte nga e-presentar ang mga akusado gumikan sa ilang kaso nga giatubang.
Gipasaka sa city govt ang kaso sa Ombudsman tungod sa pagpamakak ni Pristine nga nagtrabaho apan atua sa China.
Dugtong niini, gitinguha sa sibyahan nga makuha ang panig sa mga Elipe apan nagdumili una sila pagtubag sa mga tawag gikan sa Bombo Radyo.
