CAGAYAN DE ORO CITY – Nasapon sa akto nga naghithit sa shabu ang tulo ka lalaki nga gilakipan sa usa ka wanted person diha sa may Zone 2, Molugan El Salvador City.
Giila ang mga suspek nga sila si Antonio Daloro, usa ka wanted person; John Dariel Amaro ug John Paul Bacor.
Si El Salvador City PNP chief of police Lt Col Randy Anito miingon nga maoy target sa manhunt operation si Daloro apan atol sa operasyon nasapon kini nga nag-pot session sulod sa ilang panimalay kauban ang laing duha ka suspek.
Narekober sa ilang posisyon ang tulo ka sachet sa shabu nga nagkantidad sa P3,000 ug mga drug paraphernalia.
Asoy pa niini nga dugay na nila nga gimonitor ang lihok sa target suspect.
