CAGAYAN DE ORO CITY – Gihagit sa regular board of directors ang interim mngt sa nga ihunong na ang pagpanapaw sa ilang trabaho isip legal nga naglangkob sa hunta direktiba sa Cagayan de Oro City Water District (COWD) ning syudad.
Kini human unang gi-anunsyo ni interim COWD General Manager Fermin Jarales nga dugang unom ka bulan ang gihatag kaniya sa Local Water Utilities Administration (LWUA) aron tiwason ang nasugdan nga mga nahan-ay nga mga programa ug reporma nga giingong ikaayo sa maong buhatan.
Miingon si COWD regular board Dr.Gerry Caño nga unta dili na magbaga sa ilang mga dagway ang interim board of directors kay dakong illegal ang pagsulod nila ning syudad.
Wala ilha sa maong hunta direktiba ang gipalanog nga anunsyo ni Jarales nga dugang unom ka bulan nga magpabilin sila sa COWD kay dako kining illegal rason idangop nila kini sa korte.
Sa pagkutlo ning balita,nanganti ang regular COWD BODs nga mobalik na sa trabaho kay mohupas na usab ang interim power ni Jarales.
Samtang dili lang mabalaka ang regular COWD board of directors kay padal-an sila sa LWUA board of trustees sa pirmadong kopya sa unom ka bulan nga dugang pagdumala sa interim mngt sa sistemang panubig ning syudad.
Miingon si Jarales nga dili matawag nga wala sila’y ‘delicadeza’ sa pag-takeover kay sugo sa balaod ang ilang basehan niini.
Gani, gibutyag ni Jarales nga nasugdan na ang pagpatuman sa ‘short term solutions’ sa naghinobrang pagpasagad sa regular COWD mngt partikular ang pagtubag sa grabe kadako nga non revenue water issue.
Hisayrang nagsugod ang interim mngt pagtake-over sa COWD sa Mayo 2024 diin giila nga legal subay sa opinion gikan sa Office of the Govt Corporate Counsel (OGCC) sa kauluhan.
