Nagsugod nagpamakwit ang mga residente sa Sagay, Barangay Local Government Unit – Poblaccion, Camiguin, tungod sa posibleng pag-igo sa Bagyong Basyang karong alas-8 sa gabie sa ilang probinsya.
Kasamtangang anaa sa wind signal no. 2 ang tibook probinsya, subay sa ulahing forecast.
Gipasakay sa dagkung trak ang mga pamilya nga buluntaryong mibiya sa ilang puy-anan kay sagad sila mabahaan.
Kini nga mga truck gipadala nila Camiguin Governor Xj ug Cong JJ Romualdez.
Nagsilbing frontliner usab si Mayor Uayan sa ilang response team, ug linawas nga mikuyog sa ilang kapulisan, bombero ug BDRRMO aron dalhon ang mga namakwit sa ilang mga evacuation centers.
Nakapreposition na ang mga pagkaon ug non food items nga posibleng panginahanglanon sa mga shelter areas. Na-asembolo na usab ang mga tents sulod sa mga dagkung covered courts ug gymnasium.
Video : Keith Open TV
