CAGAYAN DE ORO CITY – Makagawas na si kanhi Presidential Spokesperson Harry Roque, human kini gipriso sulod sa 24 oras sulod sa Batasang Complex, kagahapon.
Dumduman nga kagahapon, namahayag si Surigao del Norte Representative Ace Barbers nga ‘cited in contempt’ si Roque tungod sa oyang paglapas ang Section 11(Parangrap -E) kalabot sa House Rules of Procedure Governing Inquiries in Aid of Legislation.
Si Barbers, kinsa usa sa mga chairman sa namugna nga Quadropole Committee sa kamarabaha miingon nga intentional ang pagliban ni Roque isip resource person sa gilusad nga hearing niadtong Agosto 16.
Pinaagi sa mosyon sa iyang kanhi magtutungha ug kauban sa Kabayan Party-list, Rep. Ron Salo , gihangyo niini ang hawanan nga ihatag kang Roque ang pinakamubo nga silot.
Nauyunan sa mga magbabalaod nga ipaslak sa ilang selda sulod sa usa ka adlaw si Roque human mi-angkon kini nga “honest mistake” ug dili intensyonal ang iyang pag-isnob sa hearing.
Una niini, si Roque gipatawag sa QuadCom tungod sa iyang kalambigitan sa operasyon sa ilegal nga Philippine Off Shore Gaming Operations (POGO) sa Central luzon ug sa War on Drugs sa kanhi administrasyong Duterte.
