CAGAYAN DE ORO CITY-Gipahimangnuan ni Regional Peace and Order Council o RPOC chairman City Mayor Oscar Moreno ang local govt
officials nga dili mohatag sa demanda nga permit to campaign fee sa rebeldeng New People’s Army o NPA.
Gihimo ni Moreno ang pasidaan dungan sa pagsugod na sa kampanya sa mga kandidato pagka-senador ug partylist groups diin kabahin ang Northern Mindanao nga bisitahon niini.
Miingon si Moreno nga sila na gani nga local govt officials ang nagtunol sa batakang serbisyo,pangayuan pa’g bayad sa mga armadong
pundok sa kabukiran.
Samtang bisan si Misamis Oriental Gov Bambi Emano ang nanganti nga dili mohatag salapi sa mga rebeldeng New People’s Army bugti sa permit to campaign,permit to win sa nagsingabot nga piliay.
Gibutyag ni Emano nga andam siya moatubang sa risgo sa posibleng himoon sa mga walhong grupo sa panahon nga mosaka sila sa bukid.
Giklaro usab sa gobernador nga sukad kini misulod sa politika,wala siya makasinati nga gipangayuan sa mga rebelde sa bayad aron lamang makahimo’g pagpangampanya sa bukiran sa lalawigan.
