Gipamatud-an sa ruling Workers’ Party sa North Korea ang pag-pili pag-usab kang Kim Jong Un isip General Secretary, nga nagpalig-on sa iyang liderato sa pinakagamhanang lawas politikal sa nasud.
Sumala sa state media, gihimo ang desisyon atol sa miting sa partido ngadto sa Pyongyang diin gisusi ang mga polisiya ug estratehikong prayoridad.
Ang papel sa general secretary naghatag kaniya sa hingpit nga awtoridad sa direksyon politikal ug militar, samtang gidayeg siya sa kongreso sa pagtukod sa kusganong ‘revolutionary force’ nga andam motubag sa bisan unsang hulga.
Sa pagkakaron, gilauman sa Kongreso nga magpagawas kini sa bag-ong polisiya alang sa sunod nga lima-ka tuig, samtang naghulat pa ang publiko kung adunay mensahe nga ipahigayon batok sa South Korea o sa Estados Unidos. (Phillip Ariata)
