Gi-kondinar ni Russian President Vladimir Putin ang bag-ong restriksyon nga gipahamtang sa Estados Unidos batok sa Cuba, ug miingon nga kini “dili madawat”.
Sa panagtagbo nila ni Cuban Foreign Minister Bruno Rodriguez sa Moscow, gipakita sa Russia ang lig-on nga suporta alang sa Havana taliwala sa presyur sa Washington.
Gipasiugda sa Cuba ang ilang panalipod sa soberanya ug kagawasan, samtang nagpasidaan nga ang mga sanctions sa U.S. nagpalala sa krisis sa lana sa nasud.
Gipadayag usab sa Kremlin nga magpadayon kini sa pagtukod og tabang ug suporta sa Cuba bisan pa sa mga pagsupak sa Amerika.-(Phillip Ariata)
