CAGAYAN DE ORO CITY- Gipanganti ni PNP regional director Brig Gen Rafael Santiago Jr nga i-mintinar ang kahusay’g nakalinaw sa rehiyon batok sa mga pundok nga alkontra sa gobierno.
Kini sa pagsiguro nga masunod ang mando ni Pres Rodrigo Duterte nga mapugngan ang paghitak sa nagkadaiyang kriminalidad nga mugna sa rebelde ug mga terorista.
Miingon si Santiago nga kuyog sa kapolisan,militar ug ubang ahensiya sa gobierno makab-ot niini ang hapsay nga sitwasyon sa tibuok rehiyon.
Dumduman nga sa pagbuto sa gubat sa Marawi City,sunod-sunod gipadal-an sa Maute-ISIS terror group sa bombers ang Cagayan de Oro City apan pulos kini napugngan sa kapolisan ug militar uban usab sa tabang sa katawhan.
