“Sara all”.
Kini ang tubag ni House of Representatives Spokesperson Atty. Princess Abante sa managsunod nga pagbiyahe abroad ni Vice President Sara Duterte.
Sa press briefing nga gilusad sa Kamarabaha, mikomentaryo si Abante nga kinahanglan hatagan niyag pagtagad ang iyang trabaho isip elected official sa gobyerno, bisan sa personal o opisyal nga aspeto.
Siya miingon nga mas mugahin unta si VP Duterte sa daghang oras para sa katawhan, ug dili para sa personal nga interes.
Gipamugos sa tigpamaba nga ang pagsalig, pondo, ug mandato nga gihatag sa katawhang Pilipino dili angay usikan sa mga lakang nga walay kalabotan sa serbisyo publiko.
Hisayran nga sulod sa bulan sa Hulyo, si VP Sara mibiyahe sa The Netherlands gikan Mayo 31 hangtud sa unang semana sa Hunyo aron magselebrar sa iyang birthday kuyog sa iyang amahan nga si kanhi Presidente Rodrigo Duterte, sulod sa detention facility sa International Criminal Court.
Ikaduha, mipadulong sa Doha, Qatar ang bise presidente sa sunod semana sa Hunyo apan wala gidetalye kung unsay tuyo sa biyahe.
Ikatolo, sa Hunyo 12, Independence Day sa Pilipinas, milupad sa Kuala Lumpur, Malaysia si VP Sara alang sa personal trip uban sa pamilya, diin mitambong siya sa Philippine Independence Day celebration ug nagkonsulta sa mga OFWs sa maong nasud.
Ang katapusan mao ang pagbista sa Melbourne, Australia, kundiin, subay sa anunsyo sa OVP, personal kini nga biyahe aron motambong sa “Free Duterte Now” rally sa Hunyo 22, nga gitumong sa pagpanawagan sa kagawasan sa iyang amahan.
Sulod lang sa usa ka buLan, upat ka nasod ang iyang gibisita — nga maoy hinungdan sa mga pangutana sa publiko ug sa Palasyo kung personal ba kini o para sa nasud ang iyang mga lakang.
