CAGAYAN DE ORO CITY (update) – Gitubag ni Security and Exchange Commision (SEC-10) Regional Director Reynato Egypto ang hagit sa grupong KAPA Community Ministry International Inc., o mas nailang Kabus Padatoon nga gitukod ni Pastor Joel Apolinario.
Unang namahayag si Apolinario, gamit ang ilang social media sa facebook nga dili mahimong manginlabot si Dir. Egypto sa lihok sa ilang simbahan tungod sa isyung “separation of church ang state”.
Gumikan niini, namahayag si Egypto nga bisan si Jesu Kristo dili malipay sa gihimo sa kampo ni Apolinario nga maghulat lang nga mudako ang ilang donasyon nga walay buhaton.
Sa interbyu sa Bombo Radyo, gibutyag ni Egypto nalugwa na ang cease and disest order batok sa operation sa KAPA tin-aw nga dili rehistrado ang ilang investment sa SEC.
