CAGAYAN DE ORO CITY-Gisupalpal sa Security and Exchange Commission on SEC ang pasiatab sa grupong Kabus Padatoon o KAPA International Ministry Corporation nga ‘fake news’ ang cease and desist order o CDO aron ipaundang ang ilang kalihukan.
Kini human walay permit gikan sa SEC ang pagpangayo nila’g donasyon nga salapi nga hataga’g tubo nga 30 porsiento ang mahimo nila nga miyembro sa grupo.
Miingon si SEC -10 officer-in charge Atty Frederick Enopia nga nasilbi na ang CDO sa mismong opisina ni Joel Apolinario nga nakabase sa Bislig City sa Caraga Region.
Nasayran nga dili mominus sa gatos ka kanhi sakop ang nagduso’g reklamo sa SEC tungod sa dili ensakto nga aktibidad sa maong grupo.
