CAGAYAN DE ORO CITY, Philippines – Gikompirmar sa Philippine National Police (PNP) nga ilang gitangtang ug gibalik dayon security detail alang kang Senador Bong Go.
Gibutyag sa tigpamaba sa PNP nga si Col. Jean Fajardo, nga ilang gitaktak ang mga police security ni Go subay sa kamandoan sa direktor sa Police Security and Protection Group.
Dumduman nga gikakurat sa senador ang kalit nga pagtangtang sa iyang police escort sa bulan sa Hulyo nga walay gipadalang abiso.
UIahi na nasayran niini nga ipaubos daw sa training ang iyang security detail tungod sa akusasyon sama sa pagkalambigit sa moonlighting activities o laing trabaho gawas sa ilang gipanumpaan nga katungdanan.
Kini ang nakitang rason sa PSPG nga ipaubos sa re-training ang mga pulis nga naka-assign sa buhatan sa senador.
Hisayran nga halos magkadungan ang pagtaktak sa security escort ni Vice President Sara Duterte, tali sa paglangkat sa mga escorts ni Senador Go.
