CAGAYAN DE ORO CITY, Philippines – Hagatan sa igong proteksyon ubos sa komitiba ni Senate Deputy Minoruty leader Risa Hontiveros ang pagpauli sa Pilipinas ni Mary Jane Veloso gikan sa Indonesia.
Namugos ang Committee on Women, Children, Family Relations and Gender Equality nga ipalihok ang kapulisan sa paghatag proteksyon kang Veloso gumikan kay taas ang tsansa nga sumbalikan kini sa mga sindikato nga maoy hinungdan sa pagkapriso sa OFW sa langyaw nga nasud sulod sa 14 ka tuig, ug diriyot mamatay human mahan-ay kini sa death row.
Hisayran nga death penalty – silot kamatayon ang sentensya sa bisan kinsang indibidwal nga masapon magdala-dala sa ilegal nga druga pasulod sa Indonesia.
Maoy gibitbit ni Veloso sa pagtugpa sa Yogyakarta Airport ang kapin 2.5 kilo nga heroin gikan Malaysia.
