CAGAYAN DE ORO CITY-Gikasuhan sa kapolisan ang duha ka suspek sa pagpanulis ug namusil sa gwardya ug buros nga cashier sa usa ka gasoline station sa Brgy Katipunan, Villanueva Misamis Oriental.
Kini human masikop ang duruha sa gihimong joint hot pursuit operation sa Villanueva PNP, MisOr Provincial Intelligence Branch ug COCPO.
Gibutyag ni Villanueva Municipal Police Station Commander Police Major Rogelio Manalang nga maoy ilang gipasaka ang kasong robbery homicide, frustrated homicide ug illegal position of firearmas batok Reymark Jay Pumatong, 27, ug Bernie Belen, 28.
Una niini, gipusil-patay ni Pumatong ang natulog nga nakaduty nga gwardya nga si Dominico Servandel, 22-anyos dihang ilang gitulis ang Phoenix Petroleum sa maong lugar.
Gipusil usab niini ang buros nga cashier nga si Axel rose Gemino apan pasalamat na lamang nga luwas na kini sa dilikadong kahimtang.
