CAGAYAN DE ORO CITY, Philippines – Giila ni Senador Ronald Bato dela Rosa ang katungod sa Senado nga muhatag sa kopya sa transcript sa International Criminal Court (ICC) sa ilusad nga hearing sa ‘war on drugs, ug extra judicial killings’ ubos sa Duterte Administration.
Apan, gitin-aw ni dela Rosa nga mahimo lamang matunol ang nasampit nga kopya kung ubos pa sa hurisdiksyon sa ICC ang Pilipinas.
Sa iyang pakighinabi a press, gitin-aw ni dela Rosa nga lig-on ang gimintinar nga barugan ni Presidente Ferdinand Marcos Jr., nga dili mahimong manginlabot ng ICC sa justice system sa Pilipinas kay dili na miyembro ang nasud sa maong hugpong sukad Marso 18, 2018.
Kini nga deklarasyon gipalanog mismo ni kanhi President Rodrigo Duterte human naputos sa batikos ang iyang war on drugs sa mga namatyang pamilya, kay kono, biktima lamang summary killings ang ilang kabanay.
