CAGAYAN DE ORO CITY, Philippines – Gidepensa sa liderato sa Senado ang report nga nakadawat sa presyur sa Malakanyang si Senate President Francis Chiz Escudero aron lihok ang gisang-at nga impeachment complaints batok Bise Presidente Sara Duterte.
Kagahapon, gibasa ni Escudero atubangan sa media ang sugyot sa Calendar of the Impeachment Trial.
Sa Hunyo 2, pagka-alas 3 sa hapon, mag-resume ang session ug e-presentar sa House Prosecution Panel ang pito ka artikulo sa impeachment kuyog ang gi-aprobahan nga revised house rules of procedure alang sa ilusad nga paghusay.
Sa Hunyo 3 alas 9 sa buntag, mag-convene o magtapok ang mga personalidad nga mulangkob sa impeachment court, ug pagpanumpa sa mga incumbent senator judges.
Sa Hunyo 4, ipalugwa ang mga summon.
Sa Hunyo 14 hangtud 24, ilusad ang Reception of pleading, ug sa ika-Hunyo 25 hangtud Hulyo 25 magbukas ang pre-trial batok Bise Presidente Duterte.
Usa ka adlaw human sa ika-upat nga State of the Nation Address (SONA) ni Presidente Bongbong Marcos, sugdan ang pagpanumpa sa mga bag-ong gipili nga mga senator judges, ug sa Hulyo 30, sugdan ang regular nga hearing sa kaso.
