Mipasidaan si Bencyrus Ellorin, convenor sa Consumers for Renewable Energy Action in Mindanao (CREAM Project), nga posibleng mosaka ang singil sa kuryente sa katapusan sa Marso ug pagsugod sa Abril ning tuiga.
Ang hinungdan niini mao ang pagsaka sa presyo sa coal sa global nga merkado.
Namahayag si Ellorin nga ang baseline rate sa coal para sa 2026 anaa pa sa $108–$110 kada tonelada.
Apan tungod sa tensyon sa Middle East, misaka kini ngadto sa $165–$185 kada tonelada.
Gidugang pa sa experto nga iyang gikumpara ang sitwasyon sa posibleng pagsaka sa kuryente sa mga panghitabo kaniadtong 2019 Pandemic ug sa Ukraine-Russia conflict sa 2022.
Sa pagkakaron, mihagba usab ang balor sa piso nga miabot na sa kapin ₱60 kada dolyar. Nagpasabot kini nga mas dako ang kantidad nga kinahanglan igasto sa nasud aron makabayad sa coal import nga ginapalit sa dolyar.
